Ceardlann ar Thraidisiún Scéalaíocht na mBard in Inis d’Oíche Chultúir
Bhí idir fuadar agus comhluadar ag seisiún scéalaíochta a thug Aindrias de Staic, an seanchaí ealaíonta, i siopa leabhar Scéal Eile in Inis, Contae an Chláir, Dé hAoine an 20 Meán Fómhair. Eagraíodh an cheardlann ag Comhairle Contae an Chláir i gcomhair Oíche Chultúir, le tacaíocht ó Éire Ildánach.
Rinne de Staic cur síos ar thraidisiún na scéalaíochta thar na cianta in Éirinn, agus go sonrach i dtuaisceart Chontae an Chláir. Mhínigh sé don slua go raibh na seanchaithe agus na baird ar nós rapálaithe nó ealaíontóirí an fhocail labhartha na linne. Bhí ar a gcumas na sluaite a mhealladh ó chian agus ó chóngar chun suí leo agus éisteacht leis na scéalta.
“Uaireanta, bheadh ar an lucht éisteachta teacht ar ais an dara oíche chun an dara leath den scéal a chloisteáil,” arsa Aindrias de Staic, “ach d’éirigh linn dhá scéal a insint san aon oíche amháin.”
Lean sé, “Bhí tionchar ríthábhachtach sa scéalaíocht an oidhreacht agus an chomhchuimhne a chur ar aghaidh trí na glúnta i measc pobal agus cosmhuintire a raibh neamhliteartha nó gan acmhainn. Tá sé fúinne anois an gnás ársa seo a choimeád beo don chéad ghlúin eile.”
Leag Ruairí Henchy, Oifigeach Forbartha Gaeilge, Comhairle Contae an Chláir, béim ar an nasc idir an Ghaeilge agus an cultúr, “Is í ár dteanga tairseach an chultúir, mar sin bhí sé riachtanach an Ghaeilge a chuimsiú in Oíche Chultúir i mbliana. Cabhraíonn a leithéid de cheardlann seo leis an bpobal nascadh lena n-oidhreacht agus lena bhféiniúlacht. Mo bhuíochas le hÉire Ildánach, Oifig Ealáion an Chláir, siopa leabhar Scéal Eile agus Aindrias as cabhrú liom an seisiún seo a reáchtáil.”
Page last reviewed: 24/09/24
Content managed by: Arts Office
Back to topThis is just for feedback on our web site, not comments or questions about our services.
To tell us about anything else, go to our contact us pages.